Uhut-šeura - kanšalaisjärještö on toimin Kalevalašša (Uhtuolla) vuuvvešta 2000, nykyjäh šiih kuuluu noin 60 henkie. Uhut-šeurah voit liittyö vaikka min kanšallisuuvven etuštaja, 18 vuotta täyttänyt ta šeuran Šiäntöjä tunnuštaja. Jäšenmakšu on 25 rpl. kuukauvešša työššä olijilla ta 10 rpl. eläkeläisillä, työttömillä ja yksinkašvattajilla. Šeuran johtokuntah kuuluu 9 henkie, vuosikokouš pietäh tavallisešti kevätkuušša.
